लक्ष्मीनिया – मोरङ को जहदा गाउँपालिका फेरी लकडाउन हुने भएको छ। भाद्र ६ गते देखि १० गते सम्म पूर्ण रुपले खुल्ला रहेको गाउँपालिका फेरी भाद्र ११ गते देखि लकडाउन हुन गइरहेको छ। कोरोना महामारी को संक्रमण नियनत्रणका लागि मोरङ जिल्लाको दक्षिणवार्ती ६ वटा स्थानीय तह जहदा, कटहरी,धनापालथान ,रंगेली ,सुनावर्षी र रतुवामाईको प्रतिनिधिहरुको भाद्र ९ गते बैठक बसेको थियो।
उक्त बैठकको निर्णय अनुसार भाद्र ११ गते देखि १७ गते सम्मका लागि बिहान १२ बजे सम्म ब्यापार तथा व्यवसाय खुल्ला गर्ने तथा कृषकहरुका लागि मलखाद पसल सुरक्षा मापदण्ड अपनाई २४ सै घण्टा पसल खोल्ने गरी अति आवश्यक सेवा (स्वास्थ्य, विपद जस्ता)बाहेक अन्न सम्पूर्ण क्षेत्रहरुमा लकडाउन (बन्दाबन्दी) गर्ने निर्णय भएको छ। लकडाउन उल्लंघन गर्ने प्रति कानुन बमोजिम कारवाही गर्ने समेत गाउँपालिका को बिज्ञप्तिमा उल्लेख छ।